Britaniku akuzohet në Dubai për filmim të dyshuar të raketave iraniane

Një burrë 60-vjeçar britanik është akuzuar sipas ligjeve të krimit kibernetik në Dubai, pasi dyshohet se ka filmuar raketa iraniane mbi qytet.

Zyrtarët e Ministrisë së Jashtme të Mbretërisë së Bashkuar kuptohet se po e mbështesin familjen e tij.

Turisti u ndalua sipas një ligji në Emiratet e Bashkuara Arabe që ndalon publikimin ose ndarjen e materialeve që mund të shqetësojnë sigurinë publike, sipas Detained in Dubai, e cila ofron ndihmë ligjore në vend, transmeton Klankosova.tv.

Lana Nusseibeh, ministrja e shtetit e Emirateve të Bashkuara Arabe në BE, i tha BBC-së se ishte “në dijeni” se kishte pasur “disa shkelje” të ligjit, por nuk kishte detaje specifike rreth ndalimit të britanikut.

Ajo tha se do të ndiqej "procesi i rregullt ligjor" dhe se "ky lloj filmimi të vë në rrezik".

Drejtoresha ekzekutive e Detained in Dubai, Radha Stirling, tha se 21 persona ishin “akuzuar së bashku sipas ligjeve të Emirateve të Bashkuara Arabe për krimin kibernetik në lidhje me videot dhe postimet në mediat sociale që lidhen me sulmet e fundit me raketa”.

Ajo tha se policia gjeti një video të një sulmi me raketa iraniane në Dubai në telefonin e britanikut.