Britaniku i dytë që merr vaksinën antikoronavirus është 81 vjeçari, William Shakespeare! (VIDEO)

Pacienti i dytë në planet që mori vaksinën e Pfizer, të aprovuar kundër koronavirusit ishte një 81 vjeçar nga Warwickshire i quajtur William Shakespeare. Emri i tij, nxiti buzëqeshje në një ditë ndryshe në historinë e mjekësisë ndërsa programi i vaksinimit kundër COVID-19, në Mbretërinë e Bashkuar filloi, njofton Klan Kosova. Mediat sociale u ndezën me referenca humoristike për emrin e 81 vjeçarit, i cili lidhet me emrin e shkrimtarit të njohur. https://www.youtube.com/watch?v=9J-JvK3-4R4 Vetë pacienti në repartin e Spitalit Universitar Coventry, i njohur si Bill, deklaroi: ''Duhet të them, stafi në këtë spital është i mrekullueshëm''. Kush është gruaja që u vaksinua e para? Më herët, mëngjesin e sotëm britanikja Maggie Keenan, 90 vjeçe ishte pacientja e parë që mori vaksinën antikoronavirus nga Pfizer.