Britaniku surprizues, fushatë për ta takuar mikun kosovar (VIDEO)

E shtuna, për stomatologun Genc Demjaha doli të jetë një ditë e veçantë, pasi për disa orë u bë goxha i kërkuar në internet. Kjo vëmendje ishte shkak i një postimi në Facebook, ku ky po kërkohej nga zyrtari i Ministrisë Britanike të Mbrojtjes, Christopher Pullar, me të cilin kishin punuar rreth 4 vjet gjatë luftës në Kosovë, në kuadër të KFOR-it. Në fakt, nismëtar i këtij bashkimi ishte djali i britanikut, i cili edhe kontaktoi me Demjahan e edhe bëri një grup në rrjetet sociale, njofton KlanKosova.tv. Andaj nga minuta në minutë, stomatologu pret thirrjen e shokut që nuk e pa me vjet. Kërkesa e britanikëve për ta gjetur, për Demjahjn është shumë domethënëse e emocionuese. Andaj, e pret me padurim ditën e takimit me shokun. https://www.youtube.com/watch?v=aEknucESsGU