Britney Spears thotë se ajo lutet që prindërit e saj të 'digjen në ferr'

Britney Spears nuk po përmbahet. Këngëtarja 40 vjeçare ka zbuluar një përvojë që kishte pasur përpara qëndrimit të saj në vitin 2019 në një institucion të shëndeteti mendor. Ajo poashtu foli për nënën e saj Lynne dhe babanë Jamie Spears. “Një gjë tjetër që nuk e kam ndarë me të vërtetë, e cila është një nga gjërat më të çuditshme që kam hasur ndonjëherë, kam bërë 3 MRI (rezonanca) para se të shkoja në atë vend. Nuk ankohesha për asgjë, thjesht më thanë se duhej të shkoja”, tha ajo. “Ishte babai im dhe unë nuk kisha të drejta në atë kohë, kështu që në thelb më duhej. Kështu që e bëra dhe menjëherë pyeta: 'Pse më duhet t’i bëj këto MRI kaq shumë herë?' Kur isha më e re, kisha një kist në gjoks. Ata bënë një MRI sepse mendonin se ishte kancer, por nuk ishte”, vazhdoi ajo, shkruan JustJared, transmeton Klankosova.tv. “Ishte krejtësisht mirë. Sa herë që dëgjoja fjalën MRI, isha sikur 'oh, kjo është një punë e madhe, diçka duhet të mos jetë në rregull me mua',” shtoi ajo, duke shpjeguar procesin e MRI kur ishte një vajzë e re. “Por gjatë konservatorit, pak para se të më dërgonin në atë vend, e bëra tre herë dhe qëndroja aty nga një orë çdo herë”, vazhdoi ajo. “E gjithë kjo nuk kishte kuptim. Izolimi, infermierët. Betohem në Zot, për mua, isha sikur, prit, a është ky një lloj i ri trajtimi i kancerit? Për këtë arsye më dërguan në këtë vend? A është ky sekreti i madh? Isha me të vërtetë disi e hutuar”, tha Britney. “Asnjë nga këto nuk ishte e vërtetë. Asnjë nga këto nuk është e vërtetë. Unë jam mirë. Unë jam gjallë, ata thjesht po tregoheshin të këqij dhe me të vërtetë ndjeva sikur babai im po përpiqej të më vriste dhe shpresoj që ai të digjet në ferr”. Ajo ndau gjithashtu një mbishkrim shoqërues kushtuar nënës së saj Lynne dhe babait Jamie: “Më falni që nuk do ta harroj kurrë për shkak të dhimbjes dhe ndryshimit të të qenit jashtë kokës duke lëvizur qartë këmbët e mia. Kanë kaluar vetëm 10 muaj që nga konservatori. Përfundoi. Nuk do t'ia uroja askujt një dhimbje të tillë. Është jashtëzakonisht e vështirë për mua të pranoj faktin që familja ime ma bëri këtë, do të jetë e vështirë për mua për pjesën tjetër të jetës sime, si për mamin dhe babin tim që u ulën dhe më fshehën kafen në shtëpi që të më zgjojë nga ndjenja e vdekur dhe e frikësuar si një plakë dhe më hodhën tutje. Do ta them me zë të lartë dhe krenar. Lutem që të dy të digjeni në ferr”.