Kryetarja e Komisionit për Shëndetësi Pune dhe Mirëqenie Sociale, në Kuvendin e Kosovës, Flora Brovina, të martën vizitoi repartin e hematologjisë në QKUK, njofton Klan Kosova.
Këtu ajo pa së afërmi kushtet në të cilat trajtohen pacientët, të cilët kryesisht vuajnë nga sëmundjet e leukemisë.
Përveç kësaj Brovina nga drejtori i këtij reparti, Shemsedin Sadikun, mori të dhënat për mungesat në këtë repart dhe intervenimet që do duhej të bëhen këtu.
Për situatën e vështirë në këtë repart, u pajtua dhe drejtori i QKUK-së, Curr Gjocaj, i cili kërkoi nga organet qeveritare që të bëjnë më tepër ndaj sektorit të shëndetësisë.
●●●
ASHKRIMI NGA
A.B
Editorial nga Klan Kosova — ndjek lajme dhe zhvillimet e tjera kryesore të vendit.
