Bucks afër titullit, triumfojnë për të tretën herë me radhë ndaj Suns (VIDEO)

Milwaukee Bucks ia ka rrëmbyer avantazhin e terrenit vendës Phoenix Suns pasi ka triumfuar në ndeshjen e pestë të serisë finale në NBA. Bucks tani udhëheq 3:2 pasi arriti një fitore prej 119-123, ndonëse në çerekun e parë humbnin me 16 pikë disavantazh. Mirëpo çerekun e dytë e fituan me 19 pikë epërsi, dhe në pjesën e dytë krijuan distancë të madhe pikësh me Suns por vendësit provuan të rikthehen në lojë duke e shkrirë epërsinë në vetëm një pikë. Sidoqoftë, Jrue Holiday i vodhi topin Devin Booker-it në aksionin që mund t’ia jepte epërsinë vendësve, dhe në vrapim e sipër ia hodhi topin Giannis Antetekounmpo-s i cili realizoi një alley-oop për ta vulosur fitoren e Bucks. Devin Booker edhe sonte shënoi 40 pikë, mirëpo 32 pikët Giannis Antetekounmpo-s, 29 pikët e Khris Middleton-it dhe 27 pikët e Holiday-t dolën të jenë vitale për ngadhënjimin e Bucks. Drerët mund ta sigurojnë titullin pas tre ditësh në shtëpi ku do të jenë nikoqirë të Suns. https://www.youtube.com/watch?v=xFAMAZqKmj8