Lionel Messi nuk ka nevojë të largohet nga Barcelona në mënyrë që të rrisë vlerën e tij, thotë Jamie Carragher.
Vazhdimisht është raportuar se fituesi i gjashtë herë i Topit të Artë duhet të ndjekë drejtimin e rivalit të përjetshëm Cristiano Ronaldo, për të dëshmuar vetën siç e ka dëshmuar CR7 në Serie A, La Liga e Premierligë.
Megjithatë, sipas legjendës së Liverpoolit, kjo është marrëzi.
“Është budallallëk. Absolutisht diçka e dobët”, tha Carragher.
“Ai është në një top klub, është lojtari më i mirë aty dhe është lojtari më i mirë në Evropë”.
“Shfaq më të mirën në raste kur duhet të shfaq kundër të mëdhenjve, kjo është ajo që bën dhe nuk më interesojnë mendimet e të tjerëve. Mirë për Ronaldon, por nuk mund të kritikohet për këtë Messi”. /Gazeta Express/
