Budapesti heqë dorë nga oferta për të qenë nikoqire e Lojërave Olimpike 2024

Qeveria e Hungarisë ka bërë të ditur që Budapesti do e tërheq kërkesen për të qenë nikoqir i Lojërave Olimpike të vitit 2024. Më shumë se 260 mijë njerëz kanë nënshkruar peticionin kundër këtij plani, pasi qytetarët mendonin që më mirë këto para të shpenzohen në shkolla dhe spitale. Përveç Budapestit, kërkesën për të qenë organizuese të Lojërave Olimpike në vitin 2024 e kanë paraqitur edhe Los Anxhelos dhe Parisi. Komiteti Olimpik Ndërkombëtar, do të zgjedh fituesin në shtator të këtij viti, transmeton Klan Kosova. Zëdhënësi i qeverisë hungareze, Zoltan Kovacs, ka thënë për Reuters se vendimi për të hequr dorë nga oferta është bërë pas një takimi në mes të Kryeministrit të Hungarisë, Viktor Orban si dhe kryebashkiakut të Budapestit, Istvan Tarlos. Vendimi përfundimtar për të hequr dorë nga kjo ofertë u votua edhe nga Asambleja e qytetit të Budapestit.