Një burrë është arrestuar në Prishtinë, nën dyshimin se në vazhdimësi përmes rrjeteve sociale kishte ngacmuar ish-bashkëshorten.
Policia e Kosovës, ndaj të dyshuarit ka sekuestruar një armë zjarri AK-47 me 16 fishekë, derisa me vendim të prokurorit i njëjti është liruar, transmeton Klankosova.tv.
“Është shoqëruar në stacionin policor i dyshuari mashkull kosovar, pasi që në vazhdimësi përmes rrjeteve sociale kishte ngacmuar ish bashkëshorten. Nga i dyshuari është sekuestruar një armë zjarri AK-47 me 16 fishekë. Me vendim të prokurorit, pas intervistimit palët janë liruar dhe rasti shkon në procedurë të rregullt”, njofton Policia.
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.