Burri vret gruan, dy fëmijët dhe veten në Oldenburg të Gjermanisë

Katër persona kanë humbur jetën pas një sulmi me armë zjarri të hënën në Oldenburg. Sipas hetimeve të para, një burrë vrau një grua dhe dy fëmijë, dhe më pas kreu vetëvrasje, transmeton klankosova.tv. Policia po zhvillon hetime në lagjen Osternburg, ku ndodhi krimi, ndërsa rruga është bllokuar për siguri. Të katër viktimat u gjetën pa shenja jete në një shtëpi, dhe hetuesit janë ende në fazën fillestare të hetimeve. Deri tani identiteti i tyre apo motivet e aktit, ende nuk janë bërë të ditura.