Caktohen ekspertët preventivë në Prishtinë për shëndetin e nxënësve (VIDEO)

Drejtoria e Shëndetësisë së Komunës së Prishtinës me qëllim të ruajtjes së shëndetit tek fëmijët, ka synim një projekt që do të ndikojë si preventivë tek moshat e reja. Tre ekspertë të fushës së ushqimit, sistemit lokomotor, pra ekstremiteteve dhe shtyllës kurrizore si dhe të higjienës orale do të angazhohen për ti trajnuar 102 mësimdhënës, raporton Klan Kosova. Ku këta të fundit që nga janari i vitit të ardhshëm do të punojnë në vetëdijesim tek shkollarët për të ndryshuar gjendjen aktuale. Ngase, sipas raportit të vizitave sistematike të vitit 2018/19 rreth 25% e nxënësve kishin rezultuar me mbipeshë, dhe se rezultatet e këtij viti mund të jenë edhe më shqetësuese se kaq. Për shëndet më të mirë, kreu i shëndetësisë së kryeqytetit, Izet Sadiku thotë se komuna synon që në një të ardhme filloristëve të ia mundësojë ushqimin nga kuzhina popullore. Në fundin e këtij viti do të përfundojë procesi i vizitave sistematike që janë rikthyer pas një shkëputje si shkak i pandemisë, të cilat kanë nisur që 3 javë. https://www.youtube.com/watch?v=V5c450jXf54