Hapja e universiteteve nëpër qytete të tjera veç kryeqytetit të vendit, është njëri nga shkaktarët e mundshëm që ka ndikuar që gastronomia të jetë në krizë për punëtorë.
Këtë e tha anëtari i shoqatës së gastronomëve, Petrit Reçica, në emisionin “Ju flet Prishtina” të Klan Kosovës. Sipas tij, shkak i dytë është hapja e qendrave të thirrjes nëpër vend.
“Gjeneratat e reja, krejt po dinë gjuhë të huaj dhe janë duke punuar. Ka ‘Call Center’ që i ka qindra punëtorë. Kamerieri ka gjet punë tjetër që është më e leverdishme për ta, paguhet ma shumë”, thotë Reçica.
Anëtari i shoqatës së gastronomëve ankohet se s’ka punëtorë, s’po mund të gjejë më kuzhinierë, kamarierë, shankistë.
“Kemi mungesë stafi. Gjithçka mungon, krejt profilet”, ankohet ai.
https://www.youtube.com/watch?v=YXZYh-OC6iA
●●●
LSHKRIMI NGA
LiZe
Editorial nga Klan Kosova — ndjek video lajme dhe zhvillimet e tjera kryesore të vendit.
