Cana: Një përfaqësuese për të gjithë shqiptarët

Po t’i vinte mundësia do ta menaxhonte përfaqësuesen e Kosovës në futboll. Kështu bëri me dije Lorik Cana gjatë një bashkëbisedimi me studentë në Kolegjin AAB në Prishtinë, njofton Klan Kosova. Ish lojtari i kombëtares shqiptare, rrëfeu për jetën e tij, përderisa tha që ekipin kosovar nuk dëshiron ta quaj kombëtare mirëpo përfaqësuese. Madje ai ka thënë që dëshira e tij është të jetë vetëm një përfaqësuese për gjithë shqiptarët. Cana bëri me dije se është duke u angazhuar që të krijoj një ligë të përbashkët për të dy vendet Kosovën dhe Shqipërinë. Tutje në rrëfimin e tij, Cana tregoi se në ballafaqimin me Serbinë në Beograd kishte forca të sigurisë më shumë se kurrë më parë. E krejt incidenti thotë se nuk erdhi si shkak i flamurit, por i mos durimit të serbëve që të ballafaqohen në mënyrë të barabartë me shqiptarët.