Çatitë që mbajnë gjallë Bermudën (FOTO)

Kur përmendet Bermuda, shpesh menjëherë mund të lidhet me trekëndëshin e Bermudës. Mirëpo ishujt e Bermudës kanë një veçanti tjetër, e ato janë çatitë e bardha në secilën shtëpi të ishujve. Duke qenë se është një nga vendet më të populluara në botë, këto çati në të vërtetë ndihmojnë ta mbajnë gjallë popullatën. Pavarësisht se këta ishuj janë një parajsë tropikale, Bermuda nuk ka asnjë burim të ujit të freskët, siç janë lumenjtë apo liqenet. Për këtë arsye çatitë e bardha me shkallë janë zgjidhja që ky popull ka, që nga shekulli i 17-të. Shiu për vite me rradhë ishte burimi i vetëm i ujit të fresktët në këtë vend. E secila shtëpi ka çatitë që e mbledhin ujin dhe e dërgojnë në rezervuare të ndërtuara nën tokë ose afër shtëpive. Dizajni i kulmit ka përfitime të shumta. I bërë prej guri gëlqeror është i rëndë dhe nuk lëvizë lehtë nga uraganet dhe në të kaluarën ishte i mbuluar me një llaç gëlqereje, i cili kishte veti anti-bakteriale. Tani llaçi është zëvendësuar me bojë. Ngjyra është akoma e bardhë, sepse kjo reflekton dritën ultravjollcë nga dielli, e cila gjithashtu ndihmon në pastrimin e ujit. Çatitë nuk kanë ndryshuar ndër vite, shumica e shtëpive kanë catitë e njejta. Disa prej tyre janë 200 vite të vjetra. E gjithë kjo procedurë e mbledhjes së ujit, ka ndikuar që banorët lokalë të rriten me konceptin e ruatjes së ujit. Prej vegjëlisë, në Bermude u mësohet fëmijëve që të kursejnë ujin. Përshembull larja e dhëmbëve bëhet me një gotë ujë, vet personi vendos se si ta përdor, mirëpo aq është sasia e ujit që e kanë në dispozicion. Dhe fatmirësisht popullsia lokale janë të edukuar për këtë mungesë të ujit. Mirëpo e njëjta nuk ndodh me turistët që vizitojnë Bermudën. Gjatë viteve të fundit, me rritjen e turizmit, u desh të gjenden burime të tjera uji në mënyrë që të plotësohej kërkesa. Ndërsa sistemi i zgjuar i çative siguron ujë të mjaftueshëm për banorët, për kërkesat e rritura ë turistëve nuk mjafton. Për këtë arsye impiantet e shkripëzimit, pra ujërat nëntokësore përmes sistemeve të ndryshme të filtrimit kthehen në ujë të freskët. Gjithashtu kamiona të mëdhenj shpërndajnë ujë të përdorshëm në vendet ku ka nevojë. E gjithë kjo situatë krijon një situatë pak tensionuese midis banorëve lokalë të cilët tërë kohën janë të vetëdijshëm për sasinë e ujit që përdorin dhe pastaj turistët që shpesh kërkojnë akses pa limit të ujit. Një mënyrë tjetër që turistët shpenzojnë ujin e pastër të Bermudës është përmes golfit, njofton Klankosova.tv. Bermuda ka më shumë fusha golfi për kokë banori se kudo tjetër në bote - por këtyre fushave të gjelbërta u duhet ujë për të qëndruar ashtu, dhe ky ujë i limituar përdoret këtu. Mënyra të ndryshme për zgjidhjen e këtij problemi po përdoren në disa pjesë. Përshembull uji që është shkripëzuar dhe është përdorur për dush ose larje të rrobave, mblidhet, trajtohet dhe përdoret për ujitje.