Çeku: Manifesta do të jetë promovim i jashtëzakonshëm për shtetin tonë (VIDEO)

Ministri i Kulturës, Hajrulla Çeku, ka thënë se Manifesta do të jetë promovim i jashtëzakonshëm për shtetin tonë. Në një intervistë në emisionin “Ora e Pasditës” në Klan Kosova, ai theksoi se Manifesta nuk është vetëm një ekspozitë e artistëve, ose punë e artistëve që ndodh në hapësira të caktuara, por edhe një lloj përpjekje për rigjenerim urban. “Një ngjarje e këtyre përmasave dhe vet fakti që po organizohet në kryeqytetin tonë është një dëshmi e pjekurisë dhe e aftësisë së shoqërisë në përgjithësi, të komunitetit artistik në veçanti, por edhe institucionet për të mirëpritur një numër të madh të artistëve dhe për ta shndërruar kryeqytetin tonë dhe shtetin tonë në një hapësirë lehtësisht të identifikueshme të artit bashkëkohor”. “Presim shumë sivjet edhe në raport me një lloj gjallërimi artistik urban, sepse Manifesta s’është vetëm ekspozitë e artistëve, ose punë e artistëve që ndodh në hapësira të caktuara, por edhe një lloj përpjekje për rigjenerim urban dhe një rigjenerim për ta përfshirë komunitetin në transformimin e hapësirave tona jetësore dhe publike. Mbi të gjitha Manifesta do të jetë një promovim i jashtëzakonshëm për shtetin tonë”, theksoi ministri. “Prezenca e artistëve nga jashtë, prezenca e një numri të madh të gazetarëve që mbulojnë kulturën në mediat më prestigjioze është një imazh shumë i mirë, një pasqyrim shumë i mirë i një realiteti shumë të saktë të Kosovës”. https://www.youtube.com/watch?v=syVhTWQ3jp0 ”Manifesta 14” do të fillojë më 22 korrik dhe do të jetë e hapur deri më 30 tetor, njofton Klankosova.tv