Çeku publikon disa nga artefaktet që Serbia ia vodhi Kosovës (FOTO)

Ministri për Kulturë, Rini dhe Sport, Hajrulla Çeku, ka thënë se 1247 artefakte të koleksionit muzeor publik të Kosovës janë marrë nga Muzeu Kombëtar i Kosovës gjatë kohës së luftës (1998-99) nga Akademia Serbe e Shkencave. Ai ka treguar se ky veprim ishte pjesë e projektit gjenocidal të Serbisë kundër historisë dhe identitetit të shqiptarëve, së bashku me shkatërrimin e mbi 1000 objekteve të trashëgimisë, njofton Klan Kosova. “Duke mos i kthyer artefaktet në vendin e tyre të origjinës, Serbia po shkel hapur konventat e UNESCO-s, marrëveshjen origjinale dhe dokumentin e Ahtisaarit”. “Këtu janë disa nga thesaret e vjedhura arkeologjike dhe etnografike që i përkasin koleksionit muzeor publik të Republikës së Kosovës”.

klankosova.tv