Çeku takon ambasadorin suedez Westerlund – flasin për bashkëpunim midis dy vendeve

Ministri për Kulturë, Rini dhe Sport, Hajrulla Çeku, e ka pritur sot në takim ambasadorin e Suedisë në Kosovë, Jonas Westerlund. Ai e njoftoi për zhvillimet aktuale në MKRS, ndërsa diskutuan për mundësinë e rritjes së bashkëpunimit midis dy vendeve, planifikim të aktiviteteve në fushën e artit, trashëgimisë kulturore dhe sportit, transmeton Klan Kosova. “Ministri Çeku dhe ambasadori Westerlund shprehën gatishmërinë për të realizuar projekte të përbashkëta, për të rritur shkëmbimin e përvojave me qëllim të promovimit të vlerave të të dyja shteteve”. “Ambasadori Westerlund falënderoi ministrin Çeku për pritjen dhe u shpreh se Suedia do të jetë përkrah Kosovës dhe do të bashkëpunojë ngushtë me MKRS-në në fushat me interes të përbashkët”.

klankosova.tv