Çelja e fushatës së PS-së, Rama publikon vendin dhe orën e mitingut

Mesditja e 12 prillit do t’i gjejë socialistët në Sheshin Skënderbej, aty ku do të ndezin zyrtarisht motorët e fushatës për zgjedhjet e përgjithshme të 11 majit. Edi Rama e ka caktuar mitingun në orën 12 të datës 12 prill, teksa përdor si logo edhe flamurin me 12 yje të Bashkimit Europian, me premtimin se ‘në mandatin e katërt qeverisës, Shqipëria do të anëtarësohet në union. “12 prill nga 12 qarqe rreth 12 yjeve të Europës në 12.00, familja jonë e madhe politike, mblidhet në Sheshin Skënderbej për takimin festiv Shqipëria 2030 në BE”, shkruan Rama./Topchannel