Cena: Printerin 3D e ndërtuam nga zero

Në edicionin e së hënës në programin e mëngjesit Ora 7, në Klan Kosova, i ftuar ishte Rron Cena, drejtues i kompanisë ‘’Formon’’, prodhuesi i parë rajonal i Desktop 3D Printerëve. Gjatë minutave të rezervuara, Cena, sqaroi se si erdhi deri tek punimi i një paisjeje të tillë, njofton Klan Kosova. Cena, nuk harroi të sqaroi edhe për mënyrën se si mund të punohet me 3D printerët, të cilat duken kuti kaq të thjeshta por që puna e tyre që kryhet me të vërtetë është e nevojshme në treg kohëve të fundit. ‘’Ky 3D printer lëshon një shtresë të veçant derisa të formojë pjesën e për të cilën ne kemi nevojë.’’ ‘’Ajo është plastikë e cila është e formuar nga nishesteja e grurit dhe patatja.’’ ‘’Këto pajisje mund të krijojnë edhe objekte më të mëdhaja dhe nuk përdoren vetëm për gjëra të vogëla.’’ ‘’Ne këtë printer e kemi ndërtu krejt prej zero edhe pse në fillim ideja ka qenë krejt tjetër por që e kemi parë që ky printer ka rëndësi të madhe tashmë në tregun tonë. ‘’ ‘’Në disa kategori kemi edhe përparësi në performancën e printerëve përshkak se kemi arritë me printu deri në 3x shpejtësi më të madhe.’’ ‘’Ne si kompani jemi duke punuar që një vjet'' ‘’Kemi përdorë katër prototipe deri sa kemi arritë në këtë finalin ku si rezultat e kemi printerin 3D  dhe ne vetëm sa kemi startuar me punime serike.’’ ‘’Qëllimi ynë kryesor është eksportimi, megjithatë tashmë kemi porositë edhe nga vendet e jashtme të Kosovës, të cilat janë ndër porositë e para që ne kemi obligim për me t'i përmbushur.’’ Kompania ‘’Formon’’ ka fituar çmimin “Inovacioni i Vitit” në ceremoninë Gala të ICT Awards, me produktin e tyre “Formon Core”, njofton Klan Kosova.