Filmi horror australian “Together” është modifikuar në versionin që u shfaq në disa kinema kineze, ku një çift homoseksual është zëvendësuar digjitalisht me një çift heteroseksual.
Shikuesit vunë re ndryshimet pasi pamjet origjinale u shpërndanë online. Kompania që shpërndan filmin në nivel global, “Neon”, reagoi ashpër ndaj ndryshimeve, duke thënë se ato janë bërë pa leje dhe duke kërkuar ndalimin e menjëhershëm të versionit të censuruar, raporton BBC, transmeton Klankosova.tv.
Ndërhyrja është kritikuar edhe në rrjetet sociale kineze, ku përdoruesit e kanë quajtur këtë akt “shtrembërim” dhe “mungesë respekti ndaj komunitetit LGBT”.
Ky nuk është rasti i parë që Kina përdor inteligjencën artificiale për të modifikuar përmbajtje filmike me elementë homoseksuale apo seksuale, në përputhje me politikat e saj konservatore.
●●●
SZSHKRIMI NGA
Sh Z
Editorial nga Klan Kosova — ndjek lajme dhe zhvillimet e tjera kryesore të vendit.
