Çerdhja në Rufc të Lipjanit (s)’ka rrymë, fëmijët në shtëpi (VIDEO)

Në çerdhen në Rufc të Lipjanit, sot shkuan një numër i vogël i fëmijëve. Edhe ata pak që shkuan, nuk qëndruan aty shumë pasi i morën prindërit e tyre, raporton Kiks Kosova. Kjo pasi funksionimi i kësaj shtëpie vogëlushësh ishte i pamundur, si pasojë e mungesës së rrymës. Çerdhes, megjithatë, i erdhi energjia në njërën linjë të furnizimit, dhe përgjegjësit aty thanë se ngrohja është e siguruar. Por, kjo nuk mjaftoi që fëmijët të qëndrojnë. Kur nuk ka rrymë, kuzhina është jashtë funksionit, kështu që ndërron edhe ushqimi. Këtë hall e patën edhe çerdhe tjera në Lipjan. Duke u sprovuar me këtë situatë, po kërkohet që për këto institucione të bëhet zgjidhje e veçantë. Zyrtarët e KEDS-it thanë se Lipjani përballet me mungesë rryme për shkak të mbingarkesës në asetet elektroenergjetike. /Klankosova.tv https://www.youtube.com/watch?v=UEer4CwLs38