Çfarë i kërkoi Trump, Vuçiqit për Kosovën?

Kryeministri i Serbisë, Aleksandar Vuçiq ka marrë një letër nga presidenti amerikan Donald Trump ku ky i fundit pos që i shpreh mirënjohje për mesazhin e urimit që kreu i Qeverisë serbe i dërgoi me rastin e inaugurimit të tij në postin e të parit të Amerikës, i flet edhe për raportet me Kosovën, njofton Klan Kosova. "Shtetet e Bashkuara të Amerikës vlerësojnë lidhjet e saja të ngushta me Serbinë. Vlerat të cilat i ndajmë janë evidente në marrëdhëniet tona dypalëshe duke përfshirë mbështetjen për qëllimin e Serbisë për t`u anëtarësuar në Bashkimin Evropian". "Kjo do të ndihmojë për të siguruar një të ardhme më të begatë dhe të sigurt për vendin tuaj dhe Ballkanin Perëndimor. Përpjekjet e Serbisë për normalizimin e plotë të marrëdhënieve me Kosovën poashtu do  të qëndrojnë si testament i mëtjeshëm lidhur me atë  se si aspiratat e përbashkëta të paqes mund të kapërcejnë edhe sfidat më të vështira". "Unë pres thellim të  bashkëpunimit tonë bilateral, përderisa punojmë së bashku në arritjen e qëllimeve tona të përbashkëta", ka shkruar Trump në letrën drejtuar pretendentit për postin e të parit të Serbisë, njofton Qeveria e Serbisë, transmeton Klan Kosova.