Çfarë i kishte thënë Fejzullahu Rugovës në pritjen që ky i fundit iu kishte bërë artistëve në vitin 1998 (VIDEO)

Për ekipin realizues të këngës “Kosova Calls for Peace” pas përfundimit të një pune të palodhshme në vitin 1998, ishte organizuar një pritje në Rezidencën e presidentit Rugova, i cili së bashku me gruan e tij, Fanën e pritën ngrohtësisht ekipin e këngës. Presidenti Rugova atë kohë i falenderoi të gjithë dhe i përgëzoi për punën e tyre, që pas publikimit të kësaj vepre do të bënte jehonë edhe në mediat ndërkombëtare. Në emisionin “FAKTE me Adnan Merovcin” në Klan Kosova janë publikuar pamje të rralla të kësaj pritje. Në këto pamje shihet pritja tejet e ngrohtë që iu kishte bërë presidenti Rugova këtij grupi. Përqafime, përgëzime, bisedime të këndshme, komoditet, të qeshura e urime, dukej se asgjë nuk po mungonte në këtë takim. Një fjalë rasti te presidenti e kishte mbajtë këngëtari i mirënjohur, Sabri Fejzullahu. Se çfarë i tha Sabri Fejzullahu presidentit Rugova, mund ta dëgjoni në videon më poshtë: https://www.youtube.com/watch?v=wyDwcAxUxV8&ab_channel=FaktemeAdnanMEROVCI https://www.youtube.com/watch?v=rnKLm2kwHUo&ab_channel=FaktemeAdnanMEROVCI