Lajmet e fundit
Nuk ka dyshim se është komode dhe e ngrohtë të mbështillesh me një batanije ose jorgan, por gjumi pa to në fakt mund t'ju ndihmojë të humbni disa kilogramë. Gjumi në kushte më të freskëta i jep metabolizmit një nxitje dhe rrit sasinë e yndyrës "së mirë" kafe në trupin tuaj. Edhe pse termi yndyrë kafe mund të mos tingëllojë tërheqës, ai në fakt ju lejon të digjni kalori më shpejt dhe ndihmon trupin ta heqë qafe sheqerin e tepërt në gjak.
Mund të bini në gjumë më shpejt
Ndërsa jashtë po bëhet më ftohtë, natyrshëm ndihemi të tunduar të ndezim termostatin dhe të mbulohemi me disa batanije. Por temperaturat më të ftohta në fakt ndikojnë në mënyrën se si flini. Temperatura e trupit tonë fillon të bjerë rreth 60 deri në 90 minuta para se të biem në gjumë, dhe nëse mjedisi juaj është shumë i nxehtë gjatë kësaj kohe, trupi do të harxhojë më shumë energji duke u përpjekur ta rregullojë temperaturën, gjë që do t'ju bëjë të qëndroni zgjuar më gjatë.
Cilësia e gjumit mund të përmirësohet
Nëse jeni zgjuar ndonjëherë në mes të natës dhe jeni ndjerë sikur dëshironi ta hiqni jorganin, në fakt ka një shpjegim shkencor për këtë. Temperaturat më të ftohta gjatë natës na ndihmojnë të flemë më mirë dhe nëse ato ngrohen shumë, mund të na ndërpresin gjumin. Temperatura perfekte e gjumit bie midis 15.5 dhe 19.5 gradë Celsius.
Temperaturat më të larta mund ta prishin fazën e lëvizjes së shpejtë të syve, duke bërë që të zgjoheni të lodhur, edhe nëse ndiheni sikur keni fjetur mjaftueshëm.
Mund të jetë më mirë për lëkurën tuaj
Batanijet e ngrohta dhe të rënda mund ta bllokojnë nxehtësinë rreth trupit tuaj dhe, përveçse ju shqetësojnë gjumin, ato mund të kontribuojnë në një lloj të veçantë shpërthimi të quajtur puçrra djerse. Batanijet e trasha dhe me peshë të rëndë që janë bërë nga pëlhura sintetike nuk e lejojnë trupin ta rregullojë temperaturën e tij dhe mund të shkaktojë djersitje. Djersa e kombinuar me nxehtësinë dhe fërkimin mund t’i bllokojë poret, të cilat, nga ana tjetër, mund të çojnë në akne.
