Çfarë ndodh me trupin kur nuk konsumojmë çaj për një muaj?

Një gjë që i bashkon indianët anembanë globit është dashuria e tyre për çajin. Nëse nuk mund të jetoni pa filxhanin tuaj të përditshëm të çajit, nuk jeni vetëm. Për shumë prej nesh, çaji është mënyra jonë e preferuar për të nisur ditën dhe për të na dhënë energjinë e nevojshme për të përballuar një ditë të gjatë në punë. Ndonëse nuk është e dëmshme të pini një filxhan çaj herë pas here, konsumimi i tepërt i tij mund të çojë në komplikime shëndetësore afatgjata. Në një skenar të tillë, a është e këshillueshme që çaji të hiqet plotësisht nga dieta jonë? Për më tepër, çfarë ndryshimesh mund të ndodhin në trup nëse heqim dorë nga çaji për një muaj? Për t'iu përgjigjur të gjitha këtyre pyetjeve, “indianexpress” ka folur me ekspertë për të zbuluar. Përfitimet e mundshme të një diete pa çaj Sipas Richa Anand, kryedietologe në spitalin “Dr LH Hiranandani” në Powai, Mumbai, efektet e lënies së çajit për një muaj mund të rezultojnë në ndryshime të shëndetshme në trup siç është marrja e reduktuar e kafeinës, e cila mund të ndihmojë në gjumë të shëndoshë dhe të përmirësuar dhe më pak ankth. Disavantazhet e heqjes së çajit nga dieta juaj Për disa individë, konsumimi i çajit u jep rehati dhe relaksim, kështu që sipas Anand, lënia e tij mund të çojë në ndryshime psikologjike si humbja e rehatisë dhe kënaqësisë. Mughda Pradhan, nutricioniste funksionale, CEO dhe themeluese e iThrive, tha: “Nëse jeni një konsumues i rregullt i çajit dhe e lini çajin, do të përjetoni një tërheqje të kafeinës – ashpërsia dhe kohëzgjatja ndryshojnë nga personi në person. Simptomat tipike përfshijnë lodhjen, mjegullimin e trurit, mungesën e fokusit, përgjumjen dhe dhimbjet e kokës. Megjithatë, ajo shtoi se kjo zgjat për disa ditë zakonisht, derisa trupi të ambientohet me nivelet e reduktuara të kafeinës. Zëvendësuesit e çajit Nëse po planifikoni të hiqni çajin nga dieta juaj, Dr Kamal Palia, nutricioniste dhe kryedietologe në klinikën “Ruby Hall”, në Pune të Indisë, propozoi disa alternativa me të cilat mund të zëvendësohet çaji, të tilla si infuzionet bimore, lëngjet e frutave ose thjesht ujin e nxehtë. “Infuzionet bimore si kamomili ose mentat ofrojnë opsione pa kafeinë me shije unike dhe përfitime të mundshme shëndetësore. Lëngjet e frutave, veçanërisht ato që janë natyrshëm pa kafeinë si molla ose boronica, mund të ofrojnë një pije freskuese të ftohtë. Për më tepër, uji i thjeshtë i nxehtë me limon ose mjaltë të shtuar mund të imitojë ngrohtësinë dhe komoditetin e çajit pa aromën specifike”, tha ajo. Megjithatë, Dr Palia vuri në dukje se disa individë duhet të kenë kujdes ose të shmangin pirjen e çajit për shkak të efekteve të mundshme negative. “Njerëzit me stomak të ndjeshëm ose me refluks acidi mund të përjetojnë simptoma të përkeqësuara për shkak të kafeinës dhe taninave në çaj. Gratë shtatzëna ose ato që ushqejnë fëmijën me gji duhet të moderojnë marrjen e kafeinës pasi konsumimi i tepërt mund të ndikojë në zhvillimin e fetusit ose t’u kalojë foshnjave përmes qumështit të gjirit. Ata me anemi të mungesës së hekurit duhet të jenë të kujdesshëm pasi taninat e çajit mund të pengojnë përthithjen e hekurit. Për më tepër, individët me gjendje të caktuara mjekësore si çrregullimet e ankthit ose aritmitë e zemrës, duhet të monitorojnë marrjen e tyre të kafeinës”, tha Dr. Palia. /Klankosova.tv