Chuck Norris e festoi ditëlindjen e tij të 84-të: Ndihem sikur jam 48-vjeçar

Në moshën 84-vjeçare, Chuck Norris ka thënë se çdo ditë e më shumë po ndjehet më i ri. Artisti i sporteve luftarake e festoi ditëlindjen të dielën e kaluar dhe e shënoi rastin me një video në Instagram që e shfaqte atë duke u ndjerë mirë dhe duke qëndruar aktiv. "E dini, sot jam 84 vjeç, por ndihem sikur jam 48 vjeç! ", ka thënë Norris në videon e shpërndarë. "Faleminderit të gjithëve për urimet e mrekullueshme për ditëlindjen. Zoti iu bekoftë", shtoi Norris në mbishkrimin e tij, shkruan People, transmeton Klankosova.tv.