Cila bukë është më e shëndetshme?

Një nga ushqimet që shumë njerëz “urrejnë” ta duan është buka. Ka shije shumë të mirë, por shpesh marrim këshilla që nga pikëpamja ushqyese është shumë e dëmshme. Madje, ka dieta të tëra që rekomandojnë eliminimin e bukës dhe karbohidrateve, tha Natalie Mokari, një dietologe nga Charlotte e Karolinës së Veriut. “Unë shoh shumë klientë që mendojnë se nuk duhet të hanë bukë gjë që është e trishtueshme për mua, sepse buka është një burim i madh i drithërave të plota”, tha ajo. Po, është e vërtetë: buka mund të jetë pjesë e një diete të ekuilibruar dhe karbohidratet janë vendimtare për një shëndet të mirë, shtoi dietologia. Sipas një studimi të vitit 2017 rekomandohet të konsumoni dy deri në tre racione ditore me drithëra të plota, të cilat mund të gjenden në bukë, pasi ato mund të parandalojnë diabetin e tipit 2, sëmundjet kardiovaskulare dhe disa lloje të kancerit. "Ne kemi nevojë për karbohidrate për të funksionuar. Karbohidratet janë ushqim për trurin. Nëse vini re sa herë që nuk konsumoni karbohidrate ndiheni vërtet të plogësht, mund të keni probleme me koncentrimin, thjesht nuk keni shumë energji”, tha Mokari për CNN, trasnmeton Klankosova.tv. Nëse jeni duke kërkuar për bukën më të shëndetshme ka shumë faktorë për t'u marrë parasysh: lloji i bukës, çfarë hani me të dhe sa e ekuilibruar është 'marrëdhënia' me të. Buka e grurit ofron më shumë vitamina, drithëra dhe fibra dhe ato kanë më pak ndikim negativ në sheqerin në gjak, gjë që mund të jetë e dobishme për njerëzit që kanë rezistencë ndaj insulinës. Përtej llojit të bukës, Mokari rekomandoi të shikoni se si gatuhet. Kërkoni përbërës të thjeshtë si mielli, uji, kripa dhe tharmi. Dietologia këshillon se nëse jeni të shqetësuar për sheqerin në gjak buka mund të jetë pjesë e një vakti të ekuilibruar nëse shtoni yndyrna dhe proteina të shëndetshme. Për shembull nëse doni të hani bukë për mëngjes, atëherë provoni të kombinoni tostin me vezë, avokado ose gjalpë kikiriku, shtoi ajo. "Sa më shumë të kufizoni aq më shumë do ta dëshironi atë, kështu që bëjeni një kombinim. Largoni këtë stigmë nga buka dhe ato ushqime të tjera me karbohidrate që janë ‘demonizuar’ dhe përfshijeni atë si pjesë të një diete të ekuilibruar”.