Cila është veprimtaria e organizatës ukrainase që fitoi çmimin Nodel për Paqe?

Organizata ukrainase për të drejtat e njeriut Qendra për Liritë Civile (CGS) është njëra ndër fitueset e përbashkët të Çmimit Nobel për Paqe. CGS është një ndër organizatat kryesore për të drejtat e njeriut në Ukrainë, e cila u themelua në vitin 2007, kur udhëheqësit e organizatave të drejtave të njeriut nga nëntë shtete ish-sovjetike vendosën të formojnë një qendër mbështetëse në Kiev, raporton BBC, transmeton Klankosova.tv. CGS që nga themelimi ka monitoruar persekutimet politike në Krimenë e pushtuar, ka dokumentuar krimet e luftës dhe krimet kundër njerëzimit gjatë luftës në Donbas si dhe organizoi fushata ndërkombëtare per lirimin e të burgosurve politikë të Ukrainës. Ndryshe, pas agresionit rus në Ukrainë në muajin shkurt, CGS është angazhuar në përpjekje që të identifikojë dhe dokumentojë krimet ruse të luftës kundër popullatës civile të Ukrainës.