Cilët udhëheqës botërorë ende nuk e kanë uruar Biden-in?

Pas projeksioneve të disa prej mediumeve të fuqishme nëpër botë, të cilat e shpallën Joe Biden si fitues të zgjedhjeve presidenciale 2020 në Shtetet e Bashkuara të Amerikës, udhëheqës botërorë e kanë shfrytëzuar rastin që ta urojnë demokratin për këtë fitore. Sidoqoftë, presidenti meksikan Andres Manuel Lopez Obrador, ka thënë se është ende herët për ta përgëzuar Joe Bidenin dhe se do të presë që të zgjidhen të gjitha çështjet ligjore në SHBA para se ta bëjë një gjë të tillë, shkruan BBC, transmeton Klan Kosova. Përveç tij, ka edhe liderë të tjerë botërorë që nuk e kanë uruar Bidenin - madje të disa prej vendeve që kanë ndikim në politikat ndërkombëtare. Më poshtë mund t'i gjeni të renditur emrat e disa prej tyre: Kim Jong-un i Koresë së Veriut Vladimir Putin i Rusisë Sunduesit e Arabisë Saudite Xi Jinping i Kinës Rexhep Tajip Erdogan i Turqisë Jair Bolsonaro i Brazilit Viktor Orban i Hungarisë

klankosova.tv