Sekretarja e Përgjithshme e PDK-së, Vlora Çitaku, ka thënë se partia në pushtet dhe lideri i saj duhet ta marrin me seriozitet çështjen e presidentit, për të cilën tashmë është vendosur një afat nga Gjykata Kushtetuese.
Sipas Çitakut, Vetëvendosje duhet që deklaratat e saj publike, t’i konkretizojë dhe t’i dërgojë letër Partisë Demokratike të Kosovë, për të vijuar me zhvillimet e reja.
Deri më tani, ajo tha se nuk kanë pranuar asnjë kërkesë zyrtare, raporton Klankosova.tv
“Kryetari i PDK-së ka marrë pjesë në dy takime me kryetarin e LVV-së. LVV dhe Albin Kurti duhet ta trajtojnë çështjen e presidentit me seriozitet dhe përgjegjësinë, që një situatë e tillë do të duhej të impononte dhe tani është radha që Vetëvendosje, deklaratat e saj publike t’i konkretizojë në një letër të shkruar. Nuk kemi pranuar asnjë kërkesë zyrtare." /Klankosova.tv
●●●
AHSHKRIMI NGA
Alberta Hyseni
Editorial nga Klan Kosova — ndjek lajme dhe zhvillimet e tjera kryesore të vendit.
