Çka po ndodh në LDK? Jehona Lushaku-Sadriu sot në “DPT te Fidani”

Të martën në emisionin “DPT te Fidani” me Fidan Jupollin në Klan Kosova e ftuar është Jehona Lushaku – Sadriu nga Lidhja Demokratike e Kosovës. Në pjesën e intervistës kryesore, me mysafiren do të flitet për zhvillimet e fundit brenda LDK-së, si dhe për Kuvendin e këtij subjekti politik i cili do të mbahet më 31 janar. Gjithashtu, me Lushaku - Sadriun do të diskutohet edhe për çështjen e manipulimit me vota, formimin e institucioneve të reja, si dhe për çështjen e presidentit. Kush do të jetë kryetar i LDK-së? A mund të kemi një koalicion LDK-VV për ta zgjidhur edhe çështjen e presidentit? A është e gatshme LDK-ja për zgjedhje të reja nëse nuk zgjedhet presidenti? Këto dhe shumë të tjera mund t’i ndiqni sot në emisionin ‘DPT te Fidani’ me Fidan Jupollin nga ora 17:45 në Klan Kosova dhe në kanalin zyrtar në Youtube. /Klankosova.tv