Një burrë nga Miçigan i ShBA-së fitoi xhekpotin e tij të dytë të madh nga loja shtetërore e lotarisë Club Keno The Jack - dhe vendosi një rekord të ri.
Dan Housler, 62-vjeçar, u tha zyrtarëve të lotarisë se ai është një lojtar i shpeshtë.
"Unë luaj Club Keno The Jack kur çmimi shkon në rreth 100,000 dollarë", tha ai. “Kam qenë me fat në të kaluarën dhe kam fituar çmimin prej 239 mijë dollarësh disa vite më parë”.
"Bleva biletën time dhe shkova në shtëpi. Kur arrita atje, kontrollova biletat e gruas sime dhe të miat. Në biletën time të tretë, konfeti fluturoi në ekranin e aplikacionit dhe çmimi u shfaq në ekran. U befasova shumë. Nuk kam parë kurrë kaq shumë para menjëherë në jetën time", tha Housler.
Bileta i dha atij çmimin prej 503 mijë e 254 dollarësh - xhekpoti më i madh në historinë e lojës loto.
Housler deklaroi se këto para të çmimit do të financojnë pensionin e tij.
"Të fitosh këtë në moshën time do të thotë se mund të paguaj disa fatura dhe ta vendos veten për një pension të rehatshëm", tha ai.
●●●
EVSHKRIMI NGA
E V
Editorial nga Klan Kosova — ndjek të tjera dhe zhvillimet e tjera kryesore të vendit.
