Çokollata e zezë ka një ndikim pozitiv në kujtesë dhe humor

Ekspertët shpesh përmendin se çokollata e zezë është e shëndetshme dhe është një ëmbëlsirë për të cilën nuk duhet të ndihemi fajtorë. Hulumtimet e reja poashtu tregojnë se çokollata e zezë ka një ndikim pozitiv në kujtesën dhe disponimin, duke na dhënë edhe një arsye tjetër për ta konsumuar. Çokollata e zezë bëhet duke përdorur kakao. Kakao, nga ana tjetër, është i pasur me flavonoide. Studiuesit tashmë e dinë se çokollata e zezë është e pasur me flavonoide një lloj fitokimik që janë antioksidantë të fuqishëm dhe substanca anti-inflamatore, transmeton Klankosova.tv. Sipas Lee S. Berk, DrPH, hetuesi kryesor për dy studime, “kjo është hera e parë që ne kemi parë ndikimin e sasive të mëdha të kakaos në doza të vogla sa një çokollatë me madhësi të zakonshme tek njerëzit për një kohë të shkurtër ose periudha të gjata kohore dhe inkurajohen nga gjetjet. Këto na tregojnë se sa më i lartë të jetë përqendrimi i kakaos, aq më pozitiv është ndikimi në njohje, kujtesë, humor, imunitet dhe efekte të tjera të dobishme”. Në të dy studimet, pjesëmarrësit konsumuan çokollatë të zezë me 70 për qind kakao dhe duket se kjo përqindje kakao mund të forcojë “neuroplasticitetin e trurit për përfitimet e sjelljes dhe shëndetit të trurit”.