COVID-19: 14 të vdekur dhe 862 raste të reja gjatë 24 orëve në Maqedoninë e Veriut

14 të vdekur dhe 862 raste të reja. Kjo është situata me COVID-19 gjatë 24 orëve të fundit në Maqedoninë e Veriut. Kështu bëri të ditur Ministria e Shëndetësisë së këtij vendi. Gjatë 24 orëve të fundit janë kryer 2699 testime nga të cilat janë konfirmuar 862 raste të reja me COVID-19. 14 persona e kanë humbur betejën me koronavirusin gjatë 24 orëshit të fundit, derisa janë shëruar 223 pacientë. Numri i përgjithshëm i rasteve të diagnostifikuara në Maqedoninë e Veriut që nga fillimi i pandemisë është 29558, ndërkohë që numri i pacientëve të rikuperuar është 19994, numri i vdekjeve është 977, dhe numri i rasteve aktive është 8587.