Covid-19, Italia raporton numrin më të ulët të vdekjeve dhe të rasteve të reja që nga 9 marsi

Italia është duke përjetuar ulje drastike të rasteve të reja dhe vdekjeve nga pandemia Covid-19. Sipas World Meters gjatë 24 orëve të fundit kanë vdekur 165 persona si dhe janë infektuar 802 persona - këto janë shifrat më të ulëta që nga 9 marsi, njofton Klan Kosova Numri i përgjithshëm i të vdekurve ka arritur në 30,560 teksa numri i të infektuarve 219,070 teksa janë shëruar në total 105,186 persona. Kujtojmë se virusi filloi përhapjen në Wuhan të Kinës në dhjetor të kaluar - teksa deri tash është përhapur në 187 rajone në gjithë botën. Në gjithë botën 4,145,620 persona janë prekur me Covid-19, 281,921 kanë vdekur si dhe janë shëruar 1,462,576 pacientë.