COVID-19: Nëntë të vdekur dhe 327 raste të reja në Shqipëri

Ministria e Shëndetësisë në Shqipëri ka publikuar para pak çastesh të dhënat për 24 orët e fundit mbi situatën epidemiologjike me COVID-19. Kjo pasqyrë i referohet të dhënave nga ora 00.00 deri 24.00 të ditës së shtunë 31 tetor 2020. Sipas MSH-së në Shqipëri nëntë persona kanë humbur jetën si pasojë e infektimit me koronavirus. Kështu duke shënuar numrin më të lartë të viktimave që nga fillimi i pandemisë. Po ashtu edhe rastet e infektuara kanë shënuar numrin më të lartë. Nga 1 mijë e 472 teste të kryera, 327 kanë rezultuar pozitivë. Një ditë më parë ishin 241 të infektuar në 1 mijë e 260 testeve të kryera. Janë shtruar në spitale 293 persona. Një ditë më parë ishin 319 persona të shtruar. Rezultojnë të shëruar 57 persona/ Abcnews.