Covid-19: Për herë të parë në 72 ditë, Koreja e Jugut pa raste të reja të transmetuara

Koreja e Jugut nuk regjistroi dje raste të reja të transmetuara në vend të koronavirusit, për herë të parë që nga 18 shkurti. Kishte katër raste të reja, por të gjitha ishin importuar nga jashtë, sipas Qendrave të Koresë së Jugut për Kontrollin dhe Parandalimin e Sëmundjeve. Kjo sjell numrin e përgjithshëm kombëtar në 10.765 raste dhe 247 vdekje, raporton CNN, transmeton Klan Kosova Këto shifra nuk pasqyrojnë numrin e rasteve aktive, por përkundrazi numrin e përgjithshëm të infeksioneve që nga fillimi i shpërthimit. Deri më tani, 9,059 pacientë janë shëruar.