Dafina Zuna-Hoxha: Në 16 komuna të Kosovës është kryer një numër i madh i vaksinimit të rregullt

Të shtunën në emisionin "Familja ime" në Klan Kosova, e ftuar për të diskutuar për "Javën Evropiane të Imunizimit", ishte zyrtarja për komunikim nga UNICEF, Dafina Zuna-Hoxha. Ajo ka treguar se gjatë kësaj periudhe është bërë edhe imunizimi i personave që vinë nga komunitetet pakicë. "Ne jemi në 16 komuna ku është bërë një numër i madh i vaksinimit të fëmijëve, sidomos të fëmijëve nga komunitetet Rom, Ashkali dhe Egjiptian, ata të cilët edhe nuk e kanë vaksinimin e rregullt", është shprehur ajo. Sipas  Zuna-Hoxhës, mosvaksinimi i komuniteteve të përmendura mund të ndodhë si pasojë e vetëdijes së ultë dhe mungesës së qasjes në shërbime shëndetësore. "Ne kemi pasë edhe disa video me vendimmarrësit, në këtë rast me ministrin e Shëndetësisë, Rifat Latifi, ku përveç thirrjes për vaksinim të rregullt është bërë thirrje edhe për vaksinim kundër COVID-19, sepse këto nuk e përjashtojnë njëra-tjetrën”. Video të tilla, ka treguar ajo, janë bërë edhe kryeministrin e Kosovës, Albin Kurti, ngase sipas saj janë vendimmarrësit ata të cilët duhet të shtyjnë këtë agjendë para, sa më shumë që është e mundur.