Dalja publike e UÇK-së as pas 26 vitesh s'ka shenjë kujtimi (VIDEO)

27 nëntori i 1997-ës, është momenti kur grupi i armatosur për çlirimin e Kosovës, u zyrtarizua si ushtri. Mijëra të pranishëm, qenë dëshmitarë të paraqitjes së parë publike të UÇK-së,  në Llaushë, kur po varrosej mësuesi Halit Geci. Në pllakën e varrit të tij, është edhe shenja e vetëm, që tregon se atë ditë zuri fill liria e Kosovës. I biri i mësuesit, Lulzim Geci, 26 vjet më pas nuk arrin ta kuptojë pse këtu s`u ndërtua një obelisk që do ta nderonte ngjarjen e asaj dite. Sipas Gecit, si i tillë këtij vendi historik ku  u mbajt fjalimi i fuqishëm i humbet vlera. Edhe llaushasit dëshirojnë që nami i këtij vendi të trashëgohet ndër breza. Mungesa e një shenje identifikuese këtu është dokumentuar edhe në librin “Gjurmëve të UCK-së”. Kështu pa përkujdesje e mbishkrim sipas Jasharit, janë dhjetëra lokacione që po shkatërrohen çdo ditë nga mungesa e përkujdesjes. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS. https://www.youtube.com/watch?v=NzZfSxs_h50