Demarkacioni – nga fillimi deri në fund VIDEO)

Nënshkrimi i marrëveshjes së Demarkacionit, në Vjenë më 26 gusht 2015, u shndërrua në makth për kosovarët. Ajo nuk u pranua nga opozita, me pretendimin se Kosova i fali Malit të Zi tetë mijë hektarë tokë. Me besimin se Qakorri e Zhlebi do të humbeshin, nisi nënshkrimi i  peticionit kundër asaj që nënshkruan Hashim Thaçi e Skender Hyseni në kryeqytetin austriak, me homologët nga Podgorica, njofton Klan Kosova. Për dy vjet, kjo temë ishte arsye që kuvendi të bllokohet. Situata nuk u qetësua as kur një komision ndërkombëtar, i emëruar nga ish-presidentja Atifete Jahjaga, doli me gjetjet e veta, që nuk ndryshonin shumë nga ato të Murat Mehës. Kështu erdhën zgjedhjet nacionale, e Ramush Haradinaj u bë kryeministër. Qysh në mbledhjen e parë të ekzekutivit  rrëzoi komisionin e Murat Mehës, për t’ia besuar punën Shpejtim Bulliqit. Më pas u thirrën disa seanca për ratifikimin e demarkacionit, por që dështuan, e një e tillë është paraparë të mbahet edhe sot. Më poshtë ndiqeni një historik rreth procesit të Demarkacionit me Malin e Zi, që nga nënshkrimi i marrëveshjes deri më sot. Kronikë nga Besnik Tahiri. https://www.youtube.com/watch?v=uOoyqiYWca8