Demi Lovato, ndryshon pamjen, bën tatuazh një merimangë në kokën e sapo rruar (FOTO)

E nominuar dy herë për çmimet Grammy, Demi Lovato, debutoi me një tatuazh merimange në kokën e saj të rruar. "Nga @_dr_woo_. Tani @alchemistamber eja të rregulloj flokët, të lutem," tha Lovato me shaka për prerjen e saj të re. Ajo e dokumentoi procesin në Story-n e saj në Instagram përpara se të tregonte produktin final dhe të detajonte frymëzimin, një figurë në mitologjinë indigjene amerikane e njohur si "Grandmother Spider". “Ishte gjyshja Spider ajo që na mësoi shumë gjëra. Ajo na mësoi rreth qeramikës dhe thurjes. Ajo na mësoi për zjarrin, dritën dhe errësirën. Ajo na mësoi se ne jemi të gjithë të lidhur në rrjet, secili prej nesh ka vendin e vet në këtë botë", ka shkruar Lovato. Artistja e “Dancing with the Devil” më parë zbuloi një tjetër tatuazh nga Dr. Woo në gusht, duke marrë tekstin e këngës së grupit muzikor Beautiful Chorus "Infinite Universe" të tatuazhuar në dorën e saj. “Dashuria do të jetojë përgjithmonë në universin e pafund”, shkruhet në taton e rrethuar nga yje dhe planetë.