Demi Lovato do ta përmbushë ëndrrën e saj për muzikën metal

Ylli i muzikës, Demi Lovato, do të përmbushë ëndrrën e saj kamotshme. Këngëtarja këtë vit e ka paralajmëruar publikimin e albumit të saj të tetë i cili përmban muzikën metal. Në vitin 2008, kur ajo ishte një yll i ri i Disney-t, një gazetar e pyeti për shijen e saj në muzikë. "Ajo që më magjeps mua," tha ajo, "është metali". Kjo dëshirë ka qenë gjithmonë pjesë e Lovatos që nga ditët e saj në televizionin e fëmijëve deri te karriera e saj muzikore. Por ajo kurrë nuk e ka përmbushur premtimin për një album metal, deri më tani. Këngët e albumit janë përmbajtje nga jeta e saj, pasi Demi pati një luftë  të gjatë me drogën. "Pra, ky album është si seksi, droga, rock and roll... pa drogë",ka shkruar Lovato, shkruan BBC transmeton KlanKosova.tv