Dënimi i Vukotiqit: 15 vjet burgim, e vrau 13-vjeçarin në luftë (VIDEO)

Pa thënë asnjë fjalë, presin të kalojnë minutat, që në fakt iu duken si orë. Nën ethe që i kanë kapluar familjen Muli, pret vendimin për dënim e serbit që ua vrau djalin 13 vjeçar, Burimin teksa po shetiste me bickletë në Vushtrri, 18 prillin e 1999-ës. Megjithatë, këta pak u lehtësuan kur dëgjuan që vrasësi, Zoran Vukotiq u ndëshkua me 15 vjet burg. Ndonëse nëna e të voglit, deshi dënim më të madh. Anise e dinë që me ligjin e gjykimit maksimumi është dënimi që u dha të martën. Vukotiq u dënua vetëm për këtë vrasje, derisa nga tri akuza të tjera u lirua krejt. Ky, që është në burg si i dënuari i parë në Kosovë për dhunim seksual gjatë luftës, u la i lirë nga një akuzë e ngjashme që e pati. Gjykata tha se nuk është arritur të vërtetohet se dhunimi është kryer nga ish zyrtari policor rezervist nga Stacioni Policor në Vushtrri. Humbja e kësaj beteje, u tha se ishte moment i vështirë, andaj vendimi pritet të apelohet. Me arsyetimin që provat e dëshmitë nuk ishin të bollshme, Vukotiqi u lirua edhe nga akuza për pjesëmarrje në vrasjen e civilëve shqiptarë në fshatin Studime me 2 e 3 maj. As për vrasjen e katër civilëve të tjerë, plaçkitjen e trajtimin çnjerëzor të qytetarëve nuk u gjet fajtor. https://www.youtube.com/watch?v=wWSZ8XM6Cz4