Denise Richards tregon pse i dha fund martesës me Charlie Sheen teksa ishte 6-muajsh shtatzënë

Denise Richards rikujtoi martesën e saj me Charlie Sheen dhe zbuloi se çfarë e shtyu ta linte atë kur ishte gjashtë muajsh shtatzënë me vajzën e tyre. Ata ishin të martuar nga viti 2002-2006 dhe kanë dy fëmijë së bashku: Sami 18 vjeçe, e cila së fundmi iu bashkua OnlyFans dhe Lola 17 vjeçe. Teksa u shfaq në podcastin “Divorced Not Dead” të Dear Media, ajo zbuloi pse vendosi të ndahej nga burri i saj teksa ishte shtatzënë. “I thashë vetes: ‘A do të doja që vajzat e mia të martoheshin me këtë burrë?’” i tha ajo prezantueses Caroline Stanbury. Pa ofendime, por është e vërtetë. Nuk ishte një situatë e mirë”. Denise dhe Charlie përfunduan të divorcuar dhe ajo mori një urdhër ndalimi kundër tij, si dhe kujdestarinë e plotë të fëmijëve të tyre. “Ka shumë gjëra që publiku nuk i di, dhe kurrë nuk e dini se çfarë ndodh pas dyerve të mbyllura” vazhdoi Denise. “Në kohën kur ai ishte në një hapësirë dhe gjendje të mirë, doja që vajzat të njihnin babanë e tyre për të dhe jo atë me të cilën ai lufton”, shtoi ajo. “Doja që ata të njihnin babanë e tyre dhe jo atë që mund të lexojnë ose jo për të. Unë kurrë nuk doja që ata të ndjenin ndonjë mosmarrëveshje mes nesh, sepse nuk doja që ato të ndiheshin në mes, e dini se çfarë dua të them? Nuk ka vërtet asnjë manual për këtë, veçanërisht kur je në publik”. Denisi tha: “Nuk jam penduar për martesën time me Charlie. Sepse vërtet besoj se ai dhe unë u bashkuam për të pasur vajzat tona”.