Dënohen policët që keqtrajtuan rojet e Vulinit

Gjykata Themelore në Prishtinë ka shpallur fajtor gjashtë persona në rastin “ Konjuhi dhe të tjerët”, me akuzat për keqtrajtim gjatë ushtrimit të detyrës zyrtare apo të autorizimeve publike, sulm dhe kërcënim. Rasti ka të bëjë me ngjarjet që kanë ndodhur më 7 dhe 8 janar të vitit 2013, kur nëntë të ndaluar të kombësisë serbe ishin arrestuar në Stacionin e Policisë në Graçanicë dhe pastaj ishin transferuar në Qendrën e Paraburgimit në Prishtinë. Të nesërmen, siç thuhet në njoftimin e Gjykatës Themelore të ndaluarit ishin transportuar nga Njësia Speciale e Policisë, ROSU, në Gjykatën për Kundërvajtje në Prishtinë. Për këtë rast kishte ngritur aktakuzë edhe prokuroria e misionit të EULEX-it në po të njëjtin vit kur edhe kishte ndodhur ngjarja, duke ngritur gjithsej 19 pika të aktakuzë. Vendimi i plotë i Gjykatës mund ta ndiqni më poshtë: “Në lidhje me këtë, në janar të vitit 2013 prokuroria e EULEX-it ka ngritur aktakuzë me 19 pika të akuzës për keqtrajtim gjatë ushtrimit të detyrës zyrtare apo të autorizimeve publike, sulm dhe kërcënim. Pas përfundimit të gjykimit kryesor, trupi gjykues i përbërë prej dy gjyqtarëve ndërkombëtarë dhe një gjyqtari vendas kanë marrë vendimin në vijim: G.K. është shpallur fajtor për veprat penale të: keqtrajtimit gjatë ushtrimit të detyrës zyrtare ose autorizimeve publike; sulm dhe kërcënim. I pandehuri është dënuar me një (1) vjet e gjashtë (6) muaj burgim, dhe me dënim plotësues prej dy (2) vjetësh të ndalimit të ushtrimit të funksioneve në administratën publike ose në shërbimin publik; S.S. është shpallur fajtor për veprat penale të: keqtrajtimit gjatë ushtrimit të detyrës zyrtare ose të autorizimeve publike dhe sulm. I pandehuri është dënuar me dy (2) vjet burgim me kusht me pezullim të vuajtjes së dënimit për një periudhë tri (3) vjeçare të verifikimit nëse i pandehuri nuk kryen ndonjë vepër tjetër penale, dhe me dënim plotësues prej tri (3) vjetësh të ndalimit të ushtrimit të funksioneve në administratën publike ose në shërbimin publik; S.A. është shpallur fajtor për veprat penale të:keqtrajtimit gjatë ushtrimit të detyrës zyrtare ose të autorizimeve publike dhe kërcënim. I pandehuri është dënuar me një (1) vjet dhe gjashtë (6) muaj burgim me kusht me pezullim të vuajtjes së dënimit për një periudhë të verifikimit prej dy (2) vjetësh nëse i pandehuri nuk kryen ndonjë vepër tjetër penale. S.A. po ashtu i ndalohet të mbajë çfarëdo lloji të armës gjatë periudhës së verifikimit dhe është dënuar po ashtu me dënim plotësuese prej dy (2) vjetësh të ndalimit të ushtrimit të funksioneve në administratën publike ose në shërbimin publik; N.D. është shpallur fajtor për veprat penale të:keqtrajtimit gjatë ushtrimit të detyrës publike ose të autorizimeve publike dhe sulm. I pandehuri është dënuar me dy (2) vjet burgim me kusht me pezullim të vuajtjes së dënimit pà «r një periudhë verifikimi prej dy (2) vjetësh nëse i pandehuri nuk kryen ndonjë vepër tjetër penale, dhe me dënim plotësues prej tri (3) vjetësh të ndalimit të ushtrimit të funksioneve në administratën publike ose në shërbimin publik; N.Z. është shpallur fajtor për veprat penale të: keqtrajtimit gjatë ushtrimit të detyrës zyrtare ose të autorizimeve publike dhe sulm. I pandehuri është dënuar me një (1) vjet burgim me kusht me pezullim të vuajtjes së dënimit për një periudhë verifikimi prej (2) vjetësh nëse i pandehuri nuk kryen ndonjë vepër tjetër penale, dhe me dënim plotësues prej dy (2) vjetësh të ndalimit të ushtrimit të funksioneve në administratën publike ose në shërbimin publik; I.R. është shpallur fajtor për veprat penale të: keqtrajtimit gjatë ushtrimit të detyrës zyrtare ose autorizimeve publike dhe sulm. I pandehuri është dënuar me një (1) vjet dëni m me kusht me pezullim të vuajtjes së dënimit për një periudhë dy (2) vjeçare të verifikimit nëse i pandehuri nuk kryen ndonjë vepër tjetër penale, dhe me dënim plotësues prej dy (2) vjetësh të ndalimit të ushtrimit të funksionit në administratën publike ose në shërbimin publik; Të gjithë të pandehurit e tjerë në këtë rast janë liruar nga akuzat meqë pohimet kundër tyre nuk janë vërtetuar. Të gjitha palët kanë të drejtë ankese” (sic.), thuhet në vendim.