Dëshmitari i shtatë flet kundër komandant "Ujkut" (VIDEO)

Për komandant ‘Ujkun’ për në Hagë udhëtoi dëshmitari i 7-të, të martën. Pranë dhomave të specializuara, i njëjti do të dëshmojë në gjykimin ndaj ish-ushtarit të UÇK-së, Pjetër Shala, i njohur si "Ujku". Për atë, Zyra e Prokurorit të Specializuar ka paraparë 12 orë të bëjë pyetje, por ndër të parat ishin, sigurisht, për ndodhitë e Kukësit, raporton Klan Kosova. Por, dëshmitari nuk shpëtoi lehtë pa u pyetur edhe për personat tjerë krahas atyre që i përmendi. Dëshmitari deklaroi se kishte parë një person nga Drenica, i cili qëndronte në magazinën e ushqimit, dhe në ditën e tretë kishte parë edhe tre romë. Pas këtyre pyetjeve, seanca kaloi në sesion privat, për çka edhe vetë Pjetër Shala pati një ankesë derisa kërkoi që seancat të jenë publike, meqenëse sipas tij nuk përmenden emrat dhe identiteti i dëshmitarëve. Kjo kërkesë kaloi pa aprovim. Shala ndodhet në qendrën e paraburgimit në Hagë prej marsit të vitit 2021. Sipas Speciales, krimet për të cilat akuzohet ai u kryen përafërsisht midis 17 majit e 5 qershorit 1999 kundër personave që u mbajtën të ndaluar në fabrikën e metalit në Kukës të Shqipërisë, që pretendohet se përdorej prej Ushtrisë Çlirimtare të Kosovës. /Klankosova.tv *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS. https://www.youtube.com/watch?v=WEW6QqMdozc