Dështon mbledhja e Komisionit për Ekonomi, deputetët e LVV-së s’u paraqitën

Komisioni për Ekonomi, Industri, Ndërmarrësi, Tregti dhe Inovacion thirri mbledhje të jashtëzakonshme në të cilën ishte paraparë edhe raportimi nga Bordi i Rregullatorit të Energjisë (ZRrE), lidhur me vendimin për tarifat e energjisë elektrike. Por mbledhja e komisionit që u thirr për mëngjesin e së premtes, dështoi për shkak të mungesës së kuorumit, raporton Klan Kosova. Në takim nuk erdhën as deputetët e LVV-së, e as të ftuarit. Në Komision u paraqiten vetëm 5 anëtarët e partive opozitare. “Mungesa e deputeteve të Lëvizjes Vetëvendosje ikje nga përgjegjësia”, thanë ata. Në këtë komision, sipas deputetëve, do të kuptohej më shumë rreth tarifave të reja. /Klankosova.tv