Sipas të gjitha gjasave, takimi i paralajmëruar Trump-Putin, i cili duhej të zhvillohej në Budapest javën e ardhshme, ka dështuar. Të paktën kur bëhet fjalë për të ardhmen e afërt.Barak Ravid tha se presidenti i ShBA-së, Donald Trump, dhe presidenti rus, Vladimir Putin, nuk kanë plane për t'u takuar "në të ardhmen e afërt", raporton Reuters, transmeton Klankosova.tv. Siç raportohet nga Ravid, një zyrtar i Shtëpisë së Bardhë deklaroi: "Aktualisht nuk ka plane që Presidenti Trump të takohet me Presidentin Putin. Rubio dhe Lavrov patën një bisedë telefonike produktive. Prandaj, një takim shtesë ballë për ballë midis Sekretarit të Shtetit të ShBA-së dhe Ministrit të Jashtëm rus nuk është i nevojshëm".
Shtëpia e Bardhë nuk dha më shumë detaje se pse bisedimet janë pezulluar. /Klankosova.tv
●●●
Shpërndaje këtë artikull
VZ
SHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
