Policia e Kosovës, gjegjësisht Drejtoria për Hetimin e Krimeve Ekonomike dhe Korrupsionit në Gjilan, ka arrestuar dy persona të dyshuar për veprën penale “Keqpërdorim i pozitës apo autoritetit zyrtar”, një bibliotekar dhe një zyrtar tjetër.
Siç mëson gazetarja e Klan Kosova, Altiana Zogaj, të arrestuarit janë: Stefan Stojanoviq dhe Jugosllav Stankoviq. I pari është bibliotekist ndërsa i dyti drejtor i shkollës “Milladin Popoviq” në Novobërdë, raporton Klankosova.tv.
Ndërkaq, Policia ka thënë se dyshohet që bibliotekisti Stankoviq, me kontratë pune për kohë të pacaktuar, “për një periudhë kohore nuk është paraqitur në vendin e punës, në ndërkohë që ka përfituar paga mujore nga buxheti i Republikës së Kosovës”.
Ndërsa i dyshuari i dytë, Stankoviq, në cilësinë e drejtorit të shkollës ku ka punuar edhe Stojanoviq, nuk ka raportuar mungesën e të dyshuarit në punë pranë autoriteteve kompetente, duke mundësuar kështu vazhdimin e pagesave pa bazë ligjore, me ç ‘rast i njëjti po ashtu ka shkaktuar veprën penale “Keqpërdorim i pozitës apo autoritetit zyrtar”.
Policia tha se Stojanoviq, në periudhën kohore prej vitit 2023 e deri në tetor të vitit 2025, ka dëmtuar buxhetin në vlerë prej 19,067.69 euro.
Gazetarja Zogaj ka mësuar po ashtu se bibliotekisti ka pasur pagën mbi 500 euro në muaj.
Ai ka punuar për 8 vjet aty, kurse drejtori i shkollës, plot 13 vjet. /Klankosova.tv
Shënim: Personi/personat e përmendur në këtë artikull, prezumohen të pafajshëm deri në një vendim të formës së prerë nga gjykata.
https://youtu.be/Y0T-sZNPtmY
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.
