Siç shpjegoi më pas, nëse nuk do të ishin fëmijët e saj, shumëçka mund të kishte ndryshuar për Jolie, veçanërisht pas divorcit nga partneri i saj prej 12 vitesh, Brad Pitt.

Ylli i kinematografisë Brad Pitt ka fituar raundin e fundit në mosmarrëveshjen e tij pronësore me ish-bashkëshorten Angelina Jolie, për vreshtin e tyre francez prej 500 milionë dollarësh.

60-vjeçari është shfaqur në gjykatat e Kalifornisë dhe Luksemburgut për Château Miraval, duke pretenduar se ai duhet të kishte shumicën e aksioneve në vreshtin e famshëm pasi Jolie i shiti aksionet e saj Yuri Shefler, pronarit të gjigantit rus të vodkës Stoli.

Para se të martoheshin, çifti bleu pronën së bashku, ku Pitt zotëronte 60% dhe Jolie 40%. Në fakt, ata u martuan në kantinë në vitin 2014 dhe Pitt i dha Jolie 10% shtesë si pjesë e martesës së tyre, duke e bërë pronën 50-50 kur u ndanë në 2016.

Jolie më pas shiti aksionet e saj, por Pitt argumenton se marrëveshja e saj ishte e pavlefshme dhe se ai duhet të mbajë 60% të pronësisë së tij.

Një burim i afërt me rastin tha për Page Six se:

“Ai zotëronte 60% dhe ajo zotëronte 40%. Marrëveshja ishte për të marrë atë 10% prej tij, një marrëveshje 50/50 që ata arritën për një euro. Ishte simbolike e bashkëpunimit të tyre”.

Rikujtojmë, se ylli i Hollywood-it, Angelina Jolie ka dhënë një intervistë të plotë së fundmi në të cilën nuk ka ngurruar të flasë për aspektet më të errëta të jetës së saj. Ajo u shpreh se:

“Isha 26-vjeçe kur u bëra nënë. E gjithë jeta ime ndryshoi. Të kem fëmijë ishte ajo që më shpëtoi dhe më mësoi të jem në këtë botë në një mënyrë tjetër”.

Siç shpjegoi më pas, nëse nuk do të ishin fëmijët e saj, shumëçka mund të kishte ndryshuar për Jolie, veçanërisht pas divorcit nga partneri i saj prej 12 vitesh, Brad Pitt.